Se spera

Se spera che adesso finissa la guera
e alora qua in tera finisca ogni mal;
se spera che Austria, che Prussia, che il mondo
se cambia de fondo, no sia più bestial.

Se spera che i sassi diventan panéti
perché i povaretti se possan saziar;
se spera che l’acqua diventa sciampagna
perché no se lagna chi vol giubilar.

Se spera che ‘l caldo principia ‘n Genaro
e senza tabàro poder caminar;
se spera che adesso no nassa più tose
perché le morose se possa sposar.

Se spera, se spera che il nostro governo
no vogia in eterno le tasse lassàr;
se spera, e sperando ne capita alora
de andare in malora col nostro sperar.

Leave a Reply

Your email address will not be published. Required fields are marked *